“To stand by the side of any brother Sigma Rhoan right or wrong” yeah right!

Posted on by

Maikling Talumpati ng ina ni Cris Mendez sa National Conference to Stop Hazing na itinaguyod ng Solidarity for Anti-Hazing Via Education (SAVE) at UP Student-Led Anti-Hazing WAtch (UP SAWA)

Magandang umaga po sa inyong lahat.

Ilang linggo lang po ang nakakaraan ay nagtagumpay kaming buksan ang mga e-mails na natanggap ng aking anak na si Cris Mendez bago siya pumanaw noong August 27, 2007.

Isa po sa mga huling e-mails na natanggap niya ay may petsang August 22, 2007 na ang title ay “Sigma Rho Tenets.” Galing po ito sa isang nagngangalang “JJ Ocana” na sinabi niya sa anak ko na memoryahin daw ng anak ko ang mga tenets ng Sigma Rho at idinugtong niya na “see you on saturday. we are looking forward to having you as a brod.”

Doon po sa ipinadala ni Jj Ocana na Sigma Rho Tenets ay kasama yung mga sinasabi niyang “Codes of Action of a Sigma Rhoan.” Ang pinaka-number one po sa mga Codes of Action na ito ay ganito ang sinasabi: “To stand by the side of any brother Sigma Rhoan right or wrong.”

Kahit nakagawa ng mali, kakampihan pa rin nila ang brod nila. Kahit gumawa ng krimen, o pumatay ng tao, pagtatakpan pa rin nila ang brod nila. Walang kwenta sa kanila ang Diyos. Ang batas ay bale-wala rin. Kahit bulong ng konsensya nila ay di pinapansin.

Mag-aapat na buwan na po mula ng saktan at kitilin nila ang buhay ng kaawa-awa kong anak. Ang napakabait kong anak. Kami po ay isang mahirap na pamilya lamang at ako po ay umabot lamang sa high school. Wala po akong gaanong alam sa mga fraternities at ang kanilang mga ritwal. Ang alam ko lamang po ay ang itinuro sa akin ng aking mga magulang na itinuro ko rin kay Cris at sa bunso niyang kapatid na si Renz. Ito ay ang magkaroon ng takot sa Diyos. Ang paggawa ng tama. Ang pagmamahal sa kapwa. Ang pagharap sa responsibilidad at paggalang sa batas. At ang paghingi ng tawad sa kapwa pag nakagawa ng mali.

Kung ito lamang po sana ang tenets ng mga fraternities hindi po siguro nangyari ang nangyari sa aking anak.

Salamat po.

Note: JJ Ocana is a sophomore law student, and was a USC councilor maybe 2 terms ago.

5 thoughts on ““To stand by the side of any brother Sigma Rhoan right or wrong” yeah right!”

  1. Pingback: Maikling talumpati ng ina ni Cris Mendez | ederic@cyberspace

  2. Pingback: Talumpati ng Ina ni Cris Mendez+

  3. Pingback: blog @ AWBHoldings.com » Blog Archive » Cris Mendez: Continuing injustice at UP Malcolm Hall

  4. Sigma Rho is falling down!!!!! Soon Sigma Kappa Pi led by Jarius Bondoc shall rule!! Sigma rhoans are sadists!!! they treat neophytes as pigs for slaughter!!!!

  5. Kappa Pi Pi forever! bonga! hehe! Upsilon is on the chopping block this time: click here to see photos of them in a hazing rite.

Comments are closed.