Nagulat ang marami sa mga tumataya sa Super Lotto 6-49 kahapon. Nagtaas kasing bigla ang presyo sa pagtaya. Dati, sampung piso (Php 10) lamang ang bayad para sa anim na numero; ngayon, dalawampung piso (Php 20) na.
Matatandaan na dati ay sinubukan na ng Philippine Charity Sweepstakes Office (PCSO) na taasan ang presyo ng pagtaya sa lahat ng larong lotto. Nagpaskil sila ng mga anunsyo sa mga tayaan ng lotto ukol sa nasabing pagtaas, kaya marami sa mga mananaya ang nagreklamo. Sa sobrang dami, napilitan si Gloria Arroyo na ipahinto ang nasabing pagtaas.
Ngayon natin makikita kung gaano kasuwail ang mga tauhang itinatalaga ng rehimeng Arroyo sa mga opisina ng pamahalaan. Para hindi na makapagreklamo ang mga mananaya, hindi na sila naglabas ng anunsyo ukol sa pagtaas. Hindi ba isa iyang uri ng pagsisinungaling? Ano pa nga ba? Eh iyong mismong punong nagtatalaga ay sinungaling, ano pa ba ang dapat nating asahan?
Mas nakakatuwa ang sinasabing dahilan ng pagtaas. Kailangan daw ng PCSO ng karagdagang pondo para mas marami pa raw ang mapagsilbihan nila. Saka dumoble naman daw ang jackpot prize.
Teka. Bago ang bola kagabi, ang jackpot prize noong Linggo ay nasa Php 50 milyon lamang. Ngayon, ang lumalabas na jackpot prize ay nasa Php 60 milyon. Ang pagtaas ay simula Disyembre 31. Bakit ganun lang ang naging jackpot prize? Di ba dapat mas malaki na kasi bente pesos na ang taya? Hay, ewan.
Kulang sa pondo? Bakit hindi ninyo bawasan ang gastos nyo sa mga anunsyo nyo? Tutal halata naman na ibinebenta nyo lang naman sa tao si Gloria Arroyo. Mas makabubuti siguro na ilaan na lamang ninyo sa mas makabuluhang bagay ang pondo sa pagbayad sa mga anunsyo na si Gloria Arroyo ang pangunahing makikinabang.
Pero baka tama nga ang butihing arsobispo ng Lingayen-Dagupan.
—
Nakakatawa ang mga nangyari kahapon.
Mula sa Twitter twit ni Ederic Eder (ito at ito), nalaman ko na kapag binisita mo kahapon ang mga Web site ng Kagawaran ng Hustisya, PNP-CIDG, at ITECC, dadalhin ka ng Web browser mo sa Web site ng Enchanted Kingdom. Tawa ako nang tawa kahapon.
Kung sino man ang gumawa nito: sana ganyan ang ginawa nyo sa Web site na ito.
Para kay Gloria Arroyo: tanggalin mo na ang mga tagasulat mo ng mga talumpati. Yung paggamit mo ng pariralang “Enchanted Kingdom” sa iyong talumpati ay isang karima-rimarim na katangahan.
arbet naman, palapit na ang eleksyon… kelangan nang kumupit, este, mag-ipon ng panggastos.
the jester-in-exile’s last blog post..What an Untangled Web Was Weaved (or, a competent hacker would have done a better job that that, for crying out loud)
Why does the government even have a monopoly on the lottery business in the first place? Unfair.
joyfulchicken’s last blog post..Adriana Lima will kill your dog
Hello arbet.
musta? oo nga, nakita ko din tumaas na lotto. tataya pa naman sana ako, nakulangan ako ng 10 piso.
betsy
Waahhhhhh! Halos mahulog ako sa upuan kakatawa sa nangyari.
Ang sa akin lang, baka pagbintangan yung uniffors kasi “enchanted kingdom.”
balatucan’s last blog post..MY BEST MOVIES FOR 2007
Eleksyon na naman, o kay tulin ng araw,
Eleksyong nagdaan, tila ba ay kailan lang…
Schumey’s last blog post..Extension For What?
Kaya nga sabi sang-ayon ako sa sinabi ni Bishop Cruz eh. =P
Uhm… Because they don’t want to share the loot? =P
Uy Betsy buti napadalaw ka. Di ako maniwalang tumataya ka rin ha ha ha.
Oo nga, tataya sana ako ng 5 set, kaso nagtaas pala. Kainis. =P
Nagkaroon lang daw ng error sa server, hindi raw hacking. Yun ang sabi nila ah.
Hay may yayaman na naman…
sana manalo man lang kami isang araw sa lotto